नेकपा सोलुखुम्बुले पायो पुर्णता (सदस्य सूचि सहित)

गाउँले न्यूज, सोलुखुम्बु । पार्टी एकिकरण भएको लामो समयपछि नेपाल कम्युनिष्ट पार्टी नेकपा सोलुखुम्बु जिल्ला कमिटिले सोमबार आधिकारिक रुपमा पूर्णता पाएको छ ।
सोलुखुम्बु जिलाको सल्लेरीमा सोमबार आयोजित कार्यक्रममा नेकपा १ नम्बर प्रदेश इन्चार्ज भिम आचार्यले नेकपा सोलुखुम्बु जिल्ला कमिटी सदस्यहरुलाई सपथ गराएकापछि आधिकारिक रुपमा पूर्णता पाएको हो ।

सल्लेरीस्थित जिल्ला समन्वय समितिको समिक्षालयमा भएको कार्यक्रममा १ सय ३७ सदस्यीय जिल्ला कमिटीका अधिकांश सदस्यहरुको उपस्थिति रहेको थियो । सपथ ग्रहण कार्यक्रममा इन्चार्ज आचार्यले पार्टी नीति अनुरुप अघि बढ्न निर्देशन दिए । सपथ ग्रहण तथा पूर्ण बैठकका लागि नेकपा स्थायी समिति सदस्य एवं प्रदेश नम्बर १ का इन्चार्ज भिम आचार्य, सह इन्चार्ज सावित्रीकुमार काफ्ले, प्रदेश कमिटी अध्यक्ष देवराज घिमिरे, सचिव सुरेशकुमार राई ‘हिमाल’ लगायत्का वरिष्ठ नेताहरुको उपस्थितिमा नेकपा सोलुखुम्बु जिल्ला कमिटिका सदस्यहरुले पदको सफत लिएका थिए ।

पार्टी केन्द्रले नेकपा सोलुखुम्बुको अध्यक्षमा पूर्व एमालेका अध्यक्षसमेत रहेका मानवीर राई र सचिवमा पूर्व माओवादीका गोम्बु शेर्पा कर्ज्याङ लाई जिम्मेवारी तोकेको थियो । १ सय ३७ सदस्यमा पूर्व एमालेवाट ७१ र पूर्व माओवादीवाट ६६ सदस्यहरु रहेको जिल्ला कमिटी सचिव गोम्बु शेर्पाले बताए ।
सदस्यको नामावली तल हेर्नुहोस