गाउँले न्यूज, १२ जेष्ठ, काठमाडौं । सर्वोच्च शिखर सगरमाथाबाट ल्याइएको अवैध ‘पत्थर ’ त्रिभुवन विमानस्थलमा प्रहरीले बरामद गरेको छ ।

सगरमाथा क्षेत्रमा भेटिएको पत्थर आरोहणबाट फर्किएका आरोही पेम्बा दोर्जे शेर्पा र एक विदेशी नागरिकले ल्याएको सो ‘पत्थर’ संकास्पद देखिएकाले बरामद गरी बन विभागका अधिकारीलाई जिम्मा लगाइएको प्रहरी स्रोतले जनाएको छ ।

हेलिकप्टरमार्फत आइतबार बिहान त्रिभुवन विमानस्थलमा अवतरण गरेका उनीहरु बाहिरिने क्रममा चेकजाँच हुँदा सो पत्थर फेला परेको थियो ।

पत्थर फेला परेपछि उनीहरुलाई केहीबेर नियन्त्रणमा लिएर बन विभागका अधिकारीलाई पत्थर जिम्मा लगाएर छाडिएको बताइएको छ ।

सोही हेलिकप्टरमा सगरमाथा आधार शिविरमा खटिएका पर्यटन मन्त्रालयका सम्पर्क अधिकृत समेत सवार थिए ।