गाउँले न्यूज, १ जेष्ठ, सोलुखुम्बु । खुम्बु पासाङल्यामु गाउपालिका ५ थामे गाउँका ४९ वर्षिय कामिरिता शेर्पाले आफ्नै नाममा रहेको सर्वाधिक पटक विश्वको सर्वोच्च शिखर आरोहण गर्ने कीर्तिमान सुधार गरेका हुन् ।

“कामिरिता शेर्पा र निमा ओङ्दी शेर्पा बुधवार बिहान ७:५० बजे सगरमाथाको शिखरमा पुगेको आधार शिविरबाट पर्यटन विभागकी निर्देशक मीरा आचार्यले बताइन् ।

शेर्पाले सेभेन समिट ट्रेक्सबाट आरोहण गरेका हुन् । उनले यसअघि पनि २२ पटक आरोहण गरी विश्व कीर्तिमान कायम गरिसकेका थिए । कामीरितासँगै वाङ्दी शेर्पा र केही विदेशीले समेत सगरमाथाको सफल आरोहण गरेका छन् । कामीरिता यसपटक विदेशी आरोहीका लागि हाई अल्टीच्युट गाइड तथा लिडरको जिम्मेवारी लिई सगरमाथा चढेका थिए ।