व्यापारीहरुको अवरोधका बीच चल्यो खुलामञ्चमा डोज
गाउँले न्यूज, १४ बैशाख, काठमाडौं । खुलामञ्च अतिक्रमण गरेर बनाइएका सटर व्यापारीहरुको अवरोधका बीच भत्काइएको छ ।
काडमाडौं महानगरपालिकाले डोजर परिचालन गरेर ठेकेदारले नियम विपरित बनाएका पसलमा शनिबार भत्काएको हो । महानगरपालिकाकी उपप्रमुख हरिप्रभा खड्कीले महानगरपालिकाको निर्णयमा भन्दा पनि ‘माथिको आदेश’ डोजर चलाइएको बताए । तर कहाँबाट आदेश आएको हो भन्नेबारे उनले खुलाएनन ।
खुलामन्चमा डोजर चल्दा चर्को पैसा तिरेर सटर भाडामा लिएका व्यवसायीहरुले अवरोध गर्ने प्रयास गरेका थिए ।
खुलामञ्चमा ठेकेदार मनोजकुमार भेटवालको जलेश्वर स्वच्छन्द विकोई विल्डर्सले अवैध सटर बनाएर व्यापार थालेको थियो । जसमा महानगरको समेत मिलेमतो रहेको खुलासा भएको थियो । भेटवालले खुलामञ्चभित्र करिब ४० वटा सटरहरु बनाएको र अरु संरचनापनि विस्तारको तयारी थालेका थिए ।
व्यापारीले अवैध ती सटर तीनदेखि १० लाख रुपैयाँ माथिसम्ममा खरिद गरेका थिए भने सटरको भाडा प्रतिमहिना ८ देखि १२ हजारसम्म तोकिएको थियो ।
