भारी हिमपातको कारण पत्तालेमा सडक अवरुद्ध हजारौ यात्रु अलपत्र (भिडियो सहित)

गाँउले न्यूज-५ फागुन, सोलुखुम्बु । भारी हिमपातका कारण सोलुखुम्बु जिल्लाका अधिकांश हिमाली भु भागहरुका जनजीवन प्रभाबित रहेकोछ । सोलु काठमाण्डौ चल्ने गाडि जिपहरु पत्तालेमा अवरुद्ध भएको छ । हिजो बिहान् देखी निरन्तर गएराती सम्म परेको करिब् २ फिट भन्दा बढी हिउ पत्तालेमा रहेको छ । भारी हिमपात तथा चिसोका कारण सडक खुल्न समस्या परेको स्थानियले जानकारी गराउनु भएको छ । सोलु सल्लेरीवाट विहानै छुटेको ६० देखि ७० वटा जति सार्वजनिक भाडाका जिप तथा गाडिहरु र केही मोटार बाइकहरु विच वाटोमै अलपत्र रहेको छ ।

सडक बाटोमा रहेको बाक्लो हिउ पन्छाउनको लागि सोलुखुम्बुको सदरमुकाम सल्लेरिबाट स्काभेटर बोलाइको र आज बेलुका सम्ममा बाटो खुल्न सक्ने कुरा गाउँले न्युजका प्रबन्ध निर्देशक बल बहादुर राइले जानकारी गराउनु भएको छ ।

भारी हिम्पात् परेको कारण फाप्लु तथा तेन्जीङ हिलारी विमानस्थल लुक्ला पनि अवरुद्ध भएको छ ।