जिविस चितवनको ताला सेवाग्राहीले फोडे
सविता अधिकारी,
चितवन, फागुन ५–
स्थानीय निकायका कर्मचारीको आन्दोलनका कारण पूर्णरुपमा बन्द भएको चितवनको जिल्ला विकास समितिको कार्यालयमा लगाईएको ताला सोवाग्राहीले खोलेका छन् । आज दिउँसो कार्यालय पुगेका सेवाग्राहीहरुले आफूहरुको काम हुनुपर्ने भन्दै जिविसको ढोकामा लगाइएको ताला फोडेका थिए ।
जिविस र नगरपालिका बन्द हुँदा अहिले दैनिक विभिन्न सरकारी कामको सेवा लिन जाने सोवाग्राही जनता भने सम्बन्धित कार्यालयमा पुगेर रित्तै फर्कनु परेपछि उनीहरुले आफैले ताला फोडेका हुन् । सेवाग्राहीले ताला फोडे पनि कर्मचारीहरु भने कार्यलय बाहिर नै बसीरहेको र आफ्नो माग पुरा नभए सम्म प्रशासनिक सेवा प्रदान नगर्ने स्थानिय कर्मचारी प्रकाश पौडेलले नारायणी अनलाईनलाई बताए । स्थानीय विकास अधिकारी कृष्णप्रसाद सुवेदिका अनुसार स्थानिय कर्मचारीका मागका बारेमा केन्द्रमा वर्ता भईरहेको र छिट्टै समाधान हुनेछ । विभिन्न माग राख्दै स्थानीय निकायका कमर्चारीहरु आन्दोलित भएका छन् ।
