- TRENDING
- ENGLISH
हालको खबर
चितवनमा बसको ठक्करबाट एकको मृत्यु
चितवन, फागुन ५–
चितवनको भरतपुर उपमहानगरपालिका–१० रिजाल चोकमा मिनी बसको ठक्करबाट गएराति एकजना साइकल यात्रीको ज्यान गएको छ । सोही स्थान निवासी ५२ वर्षीय रामबहादुर बयलकोटीको ठक्करबाट ज्यान गएको जिल्ला प्रहरी कार्यालय, चितवनले जनाएको छ ।
पूर्वी चितवनको भण्डाराबाट नारायणगढतर्फ आउँदै गरेको बा ३ ख २२७५ नंको लोकल रुटको मिनी बसले बयलकोटीलाई बुधबार साँझ ६ बजेको समयमा ठक्कर दिएको प्रहरीले जनाएको छ । ठक्कर दिएपछि घाइते भएका उनको उपचारका क्रममा भरतपुर अस्पतालमा गएराति मृत्यु भएको प्रहरीले जनाएको छ । ठक्कर दिने गाडी र त्यसका चालक दुवै प्रहरीको नियन्त्रणमा रहेका छन् ।
