मानव बेचबिखन रोक्न रसुवागढी नाकामा हेल्प डेक्स
रसुवा, माघ २९ –
मानव बेचबिखन तथा ओसारपसार नियन्त्रणका लागि रसुवागढी नाकामा हेल्प डेक्स स्थापना गरिने भएको छ ।
चीनसँगको एक मात्र व्यापारीक नाका रसुवागढीबाट हुनसक्ने मानव बेचबिखन तथा ओसारपसारलाई ध्यानमा राख्दै जिल्ला प्रहरी कार्यालय रसुवाले हेल्प डेक्स स्थापना गर्न लागेको हो ।
रसुवाका प्रहरी नायव उपरीक्षक फणिन्द्र प्रसाईका अनुसार चीनको केरुङतर्फ हुनसक्ने बेचबिखन नियन्त्रणको बारेमा आवश्यक जानकारी दिनका लागि हेल्प डेक्सको स्थापना गर्न लागिएको हो । माइती नेपालको सहयोगमा स्थापना गर्न लागिएको हेल्प डेक्स केही समयमा नै सञ्चालनमा आउने प्रसाईले बताउनुभयो ।
