खोटाङ, माघ २७ –

खोटाङको लिच्कीराम्चे–८ की १७ वर्षकी एक किशोरी मृत अवस्थामा भेटिएकी छन् । मंगलबार रातिदेखि हराएकी किशोरी बुधबार सिमपानी–७ स्थित कुसेऔंशी जंगलमा मृत अवस्थामा भेटिएकी हुन् ।
सिम्पानी बजारको एक होटलमा काम गर्दै आएकी किशोरी मंगलबार बेलुकी घर नफर्किएपछि खोजी गर्दा मृत अवस्थामा भेटिएको आफन्तलाई उद्धृत गर्दै जिल्ला प्रहरी कार्यालय खोटाङका प्रहरी नायव उपरीक्षक नविनकिशोर प्रधानले बताउनुभयो ।
जंगलमा मडारिएको ठाउँ रहेको र मडारिएको ठाउँभन्दा ४० मिटर तल किशोरी मृत अवस्थामा अवस्थामा भेटिएको प्रहरीले जनाएको छ ।
घटनाको प्रकृति हेर्दा सामूहिक बलात्कारपछि हत्या गरिएको हुन सक्ने आशंकामा अनुसन्धान भइरहेको प्रधानले बताउनुभयो ।