कुरिनटारमा दुई मोटरसाइकलले पैदल यात्रुलाई पालैपालो ठक्कर दिदा ज्यान गयो

विनोद श्रेष्ठ,चितवन माघ २६-

पृथ्वी राजमार्ग अन्र्तरगत कुरिनटारमा दुई मोटरसाइकलले पालैपालो ठक्कर दिदा पैदल यात्रीको ज्यान गएको छ । मोटरसाइकलमा सवार २ जना गम्भीर घाइते भएका छन् । बुधबार वेलुका मुग्लिनबाट काठमाण्डौ जादै गरेको ग८ प ६५६७ नम्मरको मोटरसाइकल र ग ९ प ५३५१ नम्बरको अर्को मोटरसाइकलले पैदल यात्री चितवन दारेचोक ३ निवासी २५ वर्षिय पुर्ण बहादुर चेपाङ पालैपालो ठक्कर दिएको थियो । ठक्करवाट घाइते भएका चेपाङको उपचारका लागि अस्पताल लैजादै गर्दा वाटोमानै मृत्यु भएको इलाका प्रहरी कार्यालय मुग्लिनका प्रहरी निरीक्षक योगेन्द्र हमालले जानकारी दिनुभयो ।

घटनामा घाइते भएका मोटरसाइकल चालक दारेचोक ३ का १८ वर्षिय जापान मगर र दारेचोक ३ कुरिनटारका २५ वर्षिय सुसन उप्रेतीलाई उपचारका लागी काठमाण्डौ लगिएको हमालले जानाकारी दिनुभयो । अर्का मोटरसाइकल चालक भने प्रहरी नियन्त्रणमा छन् । उनि भारतको मोतिहारी घर भई कुरिनटारमा मोटरसाइकल वर्क शप सञ्चालन गर्दै आएका सुरेस पण्डित रहेको प्रहरीले जनाकारी दिएको छ ।