बाल शिक्षा कार्यक्रमको अनुगमन

चितवन, माघ २५–

रत्ननगर नगरपालिका र लुमन्ती आवासका लागी सहयोग समूहको सहकार्यमा संचालित बाल शिक्षा कार्यक्रमको मंगलबार अनुगमन गरिएको छ । रत्ननगरका विभिन्न पाँच वटा विद्यालयमा दुई वटा संस्थाले गरेको सहयोगको प्रभावकारीताबारे सरोकारवाला निकायले अनुगमन गरेको हो ।

रत्ननगरको वडा नम्वर–११ मा रहेको राष्ट्रिय प्राथमिक विद्यालय जमुनापुर क, रत्ननगर ८ स्थित वैरिया मावि, रत्ननगर ९ स्थित, पञ्चदिप राप्रपा, रत्ननगर–१० स्थित पञ्चतेज ज्योती राप्रवि र रत्ननगर–७ स्थित कपरखोरी माविलाई कम्प्युटर सहयोग गरेको थियो । सहयोग गरिएको कम्प्युटरको प्रभावकारीताका बारे नगरपालिका,लुमन्ती,नेपाल सुकुम्वासी सुधार समिति,पत्रकारको टोलीले अनुगमन गरेको लुमन्ती आवासका लागी सहयोग समुहका संयोजक सिंहवहादुर लामाले जानकारी दिए ।

अनुगमनका क्रममा जमुनपुर राप्रविमा मात्रै रुपमा पर्याप्त कम्प्युटरको प्रयोग भएको र अन्य विद्यालयमा प्रभावकारी हुन नसकेको पाईएको संयोजक लामाले बताए । अनुगमनमा लुमन्तीका संयोजक लामा, नगरपालिकाका सामाजिक विकास शाखा प्रमुख पुष्पराज आचार्य, नेपाल सुकुम्वासी सुधार समितिका कोषाध्यक्ष हरि नेपालीलगायतको सहभागीता रहेको थियो ।