नेपालगञ्ज, माघ २३–
कैलालीको टीकापुरबाटब्यबसाय सुरु गरेको सिद्धार्थ बिजनेश ग्रुप अफ हस्पिटालिटी १९ वर्षमा प्रवेश गरेको छ । वार्षिक उत्सबकै अबसर पारेर सिद्धार्थ ग्रुपले सिद्धार्थ इन्ट्रिच्युट अफ हस्पिटालिटी सुरु गरेको छ ।
पर्यटन ब्यबसायका क्षेत्रमा आबश्यक पर्ने दक्ष जनशक्ति उत्पादन गर्ने उद्देश्यले स्थापना गरिएका सिद्धार्थ इन्ट्रिच्युटले स्वेदशी तथा विदेशी कलेजहरुसंग सम्बन्धन लिएर सर्टिफिकेट, डिप्लोमा र एक्जुकेटिभ डिप्लोमा लेबलका कोर्षहरु संचालन गर्ने तयारी गरि रहेको छ ।
काठमाण्डौको बानेश्वर चोक नजिकै कार्यालय रहेको सिद्धार्थ इन्ट्रिच्युटको आजै पर्यटन राज्यमन्त्री इन्द्र बहादुर बानियाँले उद्घाटन गरे ।
सिद्धार्थ इन्ट्रिच्युटको उद्घाटन गर्दे राज्यमन्त्री बानियाँले पर्यटन प्रवद्र्धन र हस्पिटालिटी ब्यबसायका क्षेत्रमा सिद्धार्थ ग्रुपले अग्रणी भुमिका खेलेको बताउदै पर्यटन ब्यबसायका क्षेत्रमा आवश्यक पर्ने दक्ष जनशक्ति उत्पादन गर्ने कार्यमा इन्ट्रिच्युटले महत्वपूर्ण भुमिका निर्वाह गर्ने बताए ।
वार्षिक उत्सबकै अबसरमा सिद्धार्थ ग्रुपका देशै भर रहेका शाखाहरुले विभिन्न रचनात्मक क्रियाकलापहरु गरेर मनाएका छन् ।
नेपालगन्जको सिद्धार्थ कटेज र होटल सिद्धार्थले संयुक्त रुपमा रक्तदान तथा नेपालगन्जको सुर्खेत रोडमा वृक्षरोपण गरेका छन् । रक्तदान कार्यक्रममा सिद्धार्थ ग्रुपका ३३ सदस्यहरुले रक्तदान गरेका थिए ।

त्यसैगरी सिद्धार्थ गु्रपको टिकापुर शाखाले टीकापुर अस्पतालमा रहेका बिरामीहरुलाई फलफुल वितरण गरेको छ भने कर्णाली चिसापानी र सुर्खेत शाखाले नगर सरसफाई गरेका छन् । त्यसैगरी बुटबल शाखाले ज्ञान ज्योति पुस्तकालयलाई फर्निचर सहयोग गरेको छ ।
त्यसैगरी काठमान्डौको सुन्धारा, पुरानो बानेश्वर, तिनकुने र ललितपुरको धोबीघाट शाखाले संयुक्त रुपमा दुर्गम क्षेत्रमा गरिब बिपन्न एवंम भूकम्प प्रभाबित परिवारका सामुदायिक विद्यालयबाट एलएलसी पास गरेका ५ जना जेहेन्दार विद्यार्थीहरुलाई गु्रपद्धारा संचालित सिद्धार्थ इन्ट्रिच्युट अफ हस्पिटालिटीमा आबासिय सुबिधा सहित छात्राबृत्ति उपलब्ध गराउने घोषणा गरेका छन् ।

करिब २ दशकको अबधिमा यस ग्रुपले आफ्नो ब्यबसायलाई बिस्तार गर्दै पश्चिमको कैलाली देखि काठमाण्डौ सम्म रेष्टुरेन्ट, रिर्साेट, होटेल, हस्पिटालिटी इन्ट्रिच्युट, ट्रेड बिजनेश र बेकरी उद्योग गरी १७ वटा शाखाहरु संचालन गर्दै आएको आएको छ ।
ती १७ वटा शाखाहरुमा करिब १ हजार जना कर्मचारीहरुलाई रोजगारीको अबसर समेत प्रदान गर्दै आएको छ । ।
सिद्धार्थ गु्रपले निकट भबिश्यमै पूर्वी नेपाल लगायत देशका अन्य स्थानहरुमा नयाँ शाखा स्थापनाका लागि अध्ययन गरी रहेको छ ।