सीके राउतले देश विखण्डनको अभियान चलाउन छाडेनन्-हिरासतमा फेसबुक र ट्वीटर चलाउन छुट!
काठमाडौं,माघ २१ –
देश विखण्डनको अभियान चलाउँदै आएका सीके राउतले हिरासतबाटै सामाजिक सञ्जाल प्रयोग गरिरहेका छन् । राज्य विप्लवको मुद्दा चलाउने तयारी गरिरहेका सीकेलाई हिरासतमै रहेर सामाजिक सञ्जाल प्रयोग गर्न छुट दिइएको छ ।
विहीबार जनकपुरबाट पक्रउ गरिएका राउतले हिरासतमै रहेर सामाजिक सञ्जालबाट स्वतन्त्र मधेस अभियानको प्रचारप्रसार गरिरहेका छन् । उनले सामाजिक सञ्जालबाट शान्तिपूर्ण प्रदर्शन गर्न भन्दै आफ्ना कार्यकर्ताहरुलाई आह्वान गरिरहेका छन् ।
पक्राउ परेदेखि नै उनले आफ्नो अनलाइन न्यूजपोर्टलमा प्रकाशित समाचारका लिंकहरु ट्वीटर र फेसबुकमा पोष्ट गरिरहेका छन् भने आन्दोलनमा उत्रिन आह्वान गरेका छन् । उनले सरकारको कदमको पनि आलोचना गरिरहेका छन् ।
देश विखण्डनकाे अभियान चलाउँदै अाएको भन्दै राउतलार्इ प्रहरीले विहीबार जनकपुरबाट पक्राउ गरेको थियो । 
