जेजीआङ्गमा भवन भत्किँदा सातको मृत्यु

admin

चीन, माघ २१-

चीनको पूर्वी प्रान्त जेजीआङ्गमा अवस्थित एक आवासिय भवन भत्किँएर भएको दुर्घटनामा परी कम्तीमा सात व्यक्तिको मृत्यु भएको छ ।
यस घटनाबाट दुई महिलालाई भने जीवितै उद्धार गरिएको अधिकारीहरुले जनाएका छन् । एक ६३ बर्षीया महिलालाई स्थानीय समयानुसार बिहीबार राति १०ः४० बजे र अर्का एक महिलालाई शुक्रबार विहान ७ बजे सो भवनको भग्नावशेषबाट उद्धार गरिएको अधिकारीहरुले जानकारी दिएका छन् । यी दुवैलाई उपचारको लागि नजिकको अस्पतालमा लगिएको बताइएको छ ।

वेनचेङ्ग काउन्टीको दहुई गाउँमा रहेको पाँच तले आवासिय भवन भत्किएर थियो । दुई वटा परिवारका नौ व्यक्ति बसोवास गर्दै आएका उक्त आवासिय भवन स्थानीय समयाअनुसार बिहीबार विहान आठ बजे भत्किँएको थियो । सो भत्किएको भवननजिकै आवासिय इलाकामा बसोवास गर्दै आएका ५८ जना व्यक्तिलाई सुरक्षित स्थानमा सारिएको बताइएको छ ।- रासस ÷सिन्ह्वा