काठमाडौं,पुस १३ –

तराई मधेस लोकतान्त्रिक पार्टीका अध्यक्ष महन्थ ठाकुरले सरकारले जवरजस्ती चुनाव गराउन खोजको भन्दै चुनावको विरोध गरेका छन् ।

तराई मधेस लोकतान्त्रिक पार्टीको ९ औं वार्षिक उत्सको अवसमा विजुली बजारमा आयोजित कार्यक्रममा अध्यक्ष ठाकूरले संविधान संशोधनलाई वेवस्ता गरेर चुनावमा गए आफूहरुलाई स्विकार्य नहुने बताएका हुन् । ठाकुरले तीन दलमा केही फरक नभएको उल्लेख गरे ।

उनले सरकाले आफूहरुसँग गरेको सम्झौता कार्यान्वयन नगरेको आरोप लगाए । सरकारले मधेसका मुद्दा फिर्ता लिन्छु भनेको भएपनि अझैसम्म फिर्ता नलिएको बताए ।

माओवादी प्रति आक्रामक

ठाकुरले सरकारको नेतृत्व गरेको दल नेकपा माओवादी मधेसलाई धोका दिन थालेको आरोप लगाए । उनले मधेस गएका बेला माओवादी मधेस चाहिन्छ, मधेस होइन आफू माइती आएको छु भन्छ तर सरकारमा पुगेपछि मधेसीलाई धोका दिएको आरोप लगाए ।

माओवादी मधेसको मागमा लचक भएको आफ२हरुले ठानेको भए पनि कांग्रेस एमालेकै बाटोमा आएको ठाकुरको आरोप थियो । उनले प्रचण्ड संशोधनबाट चुनाव तर्फ केन्द्रीत भएको आरोप लगाए ।

यसअघि हिजो बालुवाटारमा बसेको मोर्चा सत्तागठबन्धको बैठकमा मोर्चाका नेताले संविधान संशोधन पारित नभएसम्म चुनाव हुन नदिने बताएका थिए ।