हात्ती फास्ट वाक र हात्ती पोलो सुरु, ६ हात्ती सेमीफाईनलमा

admin

चितवन, पुस ११–

चितवनको सौराहामा आज (सोमबार)देखि सुरु भएको १३ औं हात्ती महोत्सवमा पहिलो दिन दुई खेलहरु भएका छन् ।
आज पहिलो दिन हात्ती फाष्ट वाक र हात्ती पोलो प्रतियोगिता भएको छ ।
हात्ती फास्ट वाक अन्तरगत आज ६ हात्ती सेमीफाईनलमा प्रवेश गरेको छ । आजको पहिलो खेलबाट एकताकली, चंचलकली र बसन्तीकली सेमीफाईनलमा प्रवेश गरेको छ भने दोस्रो खेलबाट बम्बोजकली, अनारकली र आशाकली दोस्रो सेमीफाईनलमा प्रवेश गरेको छ ।
यस्तै आजै हात्तीपोलो प्रतियोगिता अन्तरगत भएको पहिलो खेलमा नेपाल कल्चर स्पोर्टस् इन्टरनेशनल युएसए विजयी भएको छ । उसले शारदा टुर्स एण्ड ट्रार्भललाई ४–३ गोल अन्तरले पराजित गरेको हो ।
महोत्सवमा हात्ती फाष्टवाक प्रतियोगिता, हात्तीपोलो प्रतियोगिता, हात्तीका छावाहरुबीच रोमाञ्चक फुटबल, हात्ती श्रृंगार प्रतियोगिता, गाडा दौड, हात्ती पेन्टिङ, हात्तीको वनभोज, साँस्कृतिक कार्यक्रम र डुंगा दौड प्रतियोगिता आयोजना गरिनेछ ।
क्षेत्रीय होटल संघ सौराहाको आयोजनामा सुरु भएको महोत्सव पुस १५ गतेसम्म चल्ने छ ।