तिवारी हत्याको बिरोधमा नेपालगन्जमा एकघण्टा चक्काजाम
नेपालगन्ज,पुस ५-
एमाले भातृसंगठन युवा संघ नेपाल रुपन्देहीका अध्यक्ष दुर्गा तिवारीको हत्याको बिरुद्ध युवासंघ नेपाल बाँकेले नेपालगन्ज र कोहलपुरमा बिरोध स्वरुप एक घण्टा चक्का जाम गरेको छ । युवा संघ बाँकेका अध्यक्ष किशोर थापाले दिएको जानकारी अनुसार घटनाको विरोध स्वरुप पहिलो चरणमा एकघण्टा चक्का जामको आयोजना गरिएको हो । युवासंघका कार्यकर्ताहरु कोहलपुरमा पूर्वपश्चिम राजमार्ग ठप्प पार्नुको साथै नेपालगन्जको पुष्पलाल चोकमा सवारी आवागमन वन्द गरेको थिए ।
