दुई नम्वर प्रदेश निर्माणमा गल्ती भएकै होः महासचिव पोखरेल

सुवास पण्डित,
चितवन, मंसिर २८–

नेकपा एमालेका महासचिव इश्वर पोखरेलले दुई नम्वर प्रदेश निर्माणमा एमालेले सहितका दलले गल्ती गरेको बताउनुभएको छ ।

एमाले चितवनले जिल्ला पार्टी कार्यालय भरतपुरमा आयोजना गरेको अगुवा कार्यकर्ता भेलालाई आज सम्वोधन गर्दै महासचिव पोखरेलले आगामी दिनमा पहाडमा पनि तराईका जिल्लाहरु राखेर मिलाइने बताउनुभयो । मधेशी मोर्चाको माग सम्वोधन गर्ने क्रममा २ नम्वर प्रदेशमा मधेशका मात्र जिल्ला राख्न आफुहरु पनि बाध्य भएको भन्दै पोखरेलले भन्नुभयो, “यो हामीबाट गल्ती भएकै हो, यो रणनीतिक चाल अनुसारको माग रहेछ एमालेले बुझ्दै छ ।”

महासचिव पोखरेलले एमालेले संविधान संसोधन प्रस्ताव राष्ट्रघाती र दुरगामी असर गर्ने खालको भएकोले संविधान संसोधन प्रस्ताव संसदबाट फेल हुन जान्दा जान्दै र स्पष्ट गणित हुँदा समेत लैजान नदिएको बताए । उहाँले नेपालमा संविधान जारी गर्न नदिने भारत नै नेपालको सरकार र केही राजनीतिक दलहरुलाई हतियारका रुपमा प्रयोग गरी संविधान कार्यान्वयनमा भाँजो हाल्न खोजेको आरोप लगाए ।

तस्विरः फाईल