प्रचण्ड सरकार जनताबाट बहिस्कृत हुन्छः नेता पौडेल

admin

नेपालगंज, मंसिर २२–

नेकपा एमालेका उप–महासचिव एवंम प्रदेश नम्बर ५ का संयोजक विष्णु पौडेलले वर्तमान सरकार जनताबाट बहिष्कृत हुँदै जाने चेतावनी दिनुभएको छ । जनताको मुद्धा र विचारलाई सम्बोधन नगरेका कारण वर्तमान सरकार बहिस्कृत हुँदै जाने चेतावनी दिनुभयो ।

आज (बुधबार) बाँकेको नेपालगञ्जमा अगुवा कार्यकर्ता भेलालाई सम्बोधन गर्दै नेता पौडेलले वर्तमान सरकार संविधान कार्यान्वयनमा चाहनै नराखेको आरोप समेत लगाउनुभयो । उहाँले आफूहरु संविधान कार्यान्वयनका लागि जस्तोसुकै ढाल बन्न पनि तयार रहेको बताउनुभयो । संविधान संरक्षणका लागि जस्तोसुकै बलिदानी दिन तयार रहेको भन्दै संविधान संशोधन फिर्ता नभएसम्म आन्दोलन जारी राख्ने बताउनुभयो । नेता पौडेलले वर्तमान सरकारलाई ‘राष्ट्रघाती’को संज्ञा दिँदै प्रदेश नम्बर पाँचलाई कुनैपनि हालतमा विभाजन हुन नदिने बताउनुभयो ।