सल्लेरीमा सुमो र मोटरसाईकल ठोकिदा, दुई जना घाईते

गाउले सम्बाददाता

काठमाण्डौ । सल्लेरीमा मोटर साईकल र सुमो जिप एक आपसमा ठोकिएर दुर्घटना हुँदा २ जना घाईते भएका छन् । आज विहिबार विहान करिब ८ बजे सल्लेरीबाट गार्मातर्फ जादै गरेको को २५ प ७२७० नम्बरको मोटरसाईकल र विपरित दिसाबाट आउँदै गरेको ना १ झ ८३९५ नम्बरको सुमो एक आपसमा ठोकिएर दुर्घटना हुँदा २ जना घाईते भएको जिल्ला प्रहरी कार्यालय सोलुखुम्बुले जनाएको छ ।

घाईते हुनेमा मोटरसाईकल चालक तेह्रथुम छथर गाउँपालिका ६ का अन्दाजी २५ वर्षिय ल्हाक्पा शेर्पा र पछाडी सवार धनकुटा घर भएका सेर बहादुर मगर रहेका छन् । उनीहरुको टाउको, हात र खुट्टामा चोट लागेको बताएको छ ।

घाईतेहरुलाई सोलु हेल्थ क्यरमा सामान्य उचार पश्चात थप उपचारका लागि सुविधान सम्पन्न अस्पतालमा रेफर गरिएको छ ।
सुमो चालक नेचासल्यान गाउँपालिका २ का अन्दाजी २४ बर्षिय पपु नेवार सहित दुवै सवारी साधन जिल्ला प्रहरी कार्यालय सोलुखुम्बुको नियन्त्रणमा रहेको प्रहरी निरीक्षक ऋषिराज ढकालले जानकारी दिए ।