काठमाण्डौ । नेपाली कांग्रेस सोलुखुम्बुको जिल्ला सभापतिमा नाम्गेल जाङ्बु शेर्पा र विनोद कुमार बस्नेत वीच प्रतिस्पर्धा हुने भएको छ । सोलुदुधकुण्ड नगरपालिका प्रमुख नाम्गेल जाङबु शेर्पा र हालका जिल्ला सभापति विनोद कुमार बस्नेत ले आज (बुधबार) मनोनयन दर्ता गरेको निर्वाचन समिति सोलुखुम्बुले जनाएको छ ।

बिनोद बस्नेतको प्यानलबाट उपसभापतिमा घनराज सुनुवार र फुदोर्जी शेर्पा, सचिवमा भलाकाजी कुलुङ र युवराज घिमिरे तथा सह–सचिवमा ङिमछिरी शेर्पा र मान बहादुर राईलाई उम्मेद्वार बनाइएको छ भने शेर्पाको प्यानलबाट उपसभापतिमा सुर्य कुलुङ र गणेश बस्नेत, सचिवमा दावागेलु पाख्रिन र सविता राई तथा सह–सचिवमा नविन बस्नेत र उत्रमान राईले उम्मेद्वारी दर्ता गरेका छन ।

नेपाली कांग्रेस सोलुखुम्बुको प्रदेश सभा ‘क’ मा ४६३ जना र प्रदेश सभा ‘ख’ मा ४६१ जना गरी ९२४ जना क्षेत्रीय प्रतिनिधि रहेका छन् । कांग्रेस सोलुखुम्बुको जिल्ला अधिवेशन भोली (विहिबार) सदरमुकाम सल्लेरीमा हुने भएको छ ।

सभापतिको दाबेदार नेताद्वय शेर्पा जिल्लाका पुर्वपार्टी सभापति आङ गेलु शेर्पा निकटका हुन् भने बस्नेत पुर्वमन्त्री बल बहादुर केसी निकटका हुन । जिल्ला सभापतिको दावेदार दुवै पक्षले आफ्नो जित सुनिश्चित रहेको दाबी गरेका छन्