नेकपा आधिकारिकता विवाद : ऋषि कट्टेलले जिते मुद्दा

गाउले सम्बाददाता

काठमाण्डौ । नेकपाको आधिकारिकता ऋषि कट्टेलले पाएका छन् । यो सँगै नेकपा नाम अब ऋषि कट्टेलले पाउने भएका छन् ।
सर्वोच्च अदालतले आइतबार गरेको फैसलामा कट्टेललाई नेकपाको आधिकारिकता दिने निर्णय गरेको हो ।

सर्वोच्च अदालतले नेपाल कम्युनिस्ट पार्टीको आधिकारिकता ऋषि कट्टेललाई दिएपछि ओली प्रचण्डको नेकपा खारेज भएको छ ।

निर्वाचन आयोगमा ऋषि कट्टेल अध्यक्ष रहेको नेपाल कम्युनिस्ट पार्टी दर्ता भइसकेको अवस्थामा ३ जेठ २०७५ मा तत्कालिन नेकपा एमाले र नेकपा माओवादी केन्द्रबीच एकीकरण भएपछि उक्त पार्टीको नाम पनि नेपाल कम्युनिस्ट पार्टी (ने क पा) राखी निर्वाचन आयोगमा पेश गरेका थिए ।

आफ्नो पार्टीको नामसँग मिल्दोजुल्दो नाम दिएर अर्को पार्टी दर्ता गर्न दिएको भन्दै कट्टेलले सर्वोच्च अदालतमा रिट दिएका थिए ।