- TRENDING
- ENGLISH
हालको खबर
रौतहटमा निषेधाज्ञा एक साता थप
काठमाण्डौ । रौतहट जिल्ला प्रशासन कार्यालयले भदौ ७ सम्मको निषेधाज्ञा थप एक साताको लागि लम्ब्याएको छ ।
कोरोना संक्रमणको जोखिम कम गर्न स्थानीय प्रशासन ऐन, २०२८ को दफा ६ को उपदफा ३ तथा संक्रमण रोग ऐन, २०२० को दफा २ बमोजिम निषेधाज्ञालाई भदौ ८ देखि १५ गते सम्म एक साता थपेको हो ।
निषेधाज्ञामा खाद्यान्न, निर्माण सामग्रीका पसल तथा बैंकहरु बिहान ७ देखि ११ बजे सम्म संचालनको छुट दिएको छ । स्वास्थ्य सुरक्षा सम्बन्धी मापदण्डको पालना गर्ने शर्तमा सो सहुलियत प्रदान गरिएको प्रमुख जिल्ला अधिकारी इन्द्रदेव यादवले बताए ।
रौतहटमा संक्रमितको संख्या १ सय ६० पुगेको छ । रौतहटमा स्वाब संकलन गरिएकामध्ये ९ सय ८ जनाको रिपोर्ट आउन बाँकी रहेको छ ।
