- TRENDING
- ENGLISH
हालको खबर
हाफ पाइन्टमा कीर्तिपुरका मेयर–उपमेयरलाई भेट्न रोक
गाउँले न्युज, १० भदौ, काठमाडौं । कीर्तिपुर नगरपालिकाले कार्यालय समयमा हाफ पाइन्ट लगाएर मेयर र उपमेयरलाई भेट्न रोक लगाएको छ ।
नगरपालिकाले सूचना प्रकाशन गर्दै सो कुरा जनाएको छ । भेटघाटलाई शिष्ट बनाउन औपचारिक पोशाकमा आउन आग्रह गरिएको मेयर रमेश महर्जनले बताए । ‘हाफ पाइन्ट पनि अब के भन्ने … साह्रै अनौपचारिक ड्रेसमा आउन थालेपछि सूचना निकालेका हौं’ उनले भने, ‘यो सूचनापछि हिजो हाफ पाइन्ट लगाएर आउनेहरु पनि फुल पाइन्टमा आउन थाल्नु भएको छ ।’
मेयरले भेटघाटलाई शिष्ट मात्र बनाउन खोजेको र कीर्तिपुरबासी खुसी रहेको बताए तर सलाई लिएर सामाजिक सञ्जालमा मात्र हंगामा भएको उनको भनाइ छ ।
sourse:onlinekhabar
