२ सय ३३ जना यात्रुसहितको जहाज मकैबारीमा आपतकालीन अवतरण

मस्को: २ सय ३३ जना यात्रुसहितको एउटा रुसी जहाज मस्को नजिकै आपतकालीन अवतरण गराइएको छ ।

चराहरुको हूल जहाजको इन्जिनमै ठोक्किँदा दुबै इन्जिन बन्द भएपछि आपतकालीन अवतरण गराउनु परेको बताइएको छ । उरल एयरलाइन्सको ए ३२१ एयरबस २ सय २६ यात्रु र सातजना चालकदलका सदस्यसहित मस्कोको जुकोब्सकी एयरपोर्टबाट सिम्फेरोपोल एयरपोर्टका लागि उँडेको थियो ।

इन्जिन अफ भएपछि तत्कालै मकै खेती भएको खुला जमिनमै अवतरण गराइएको थियो ।
स्वास्थ्य मन्त्रालयका अनुसार नौ बालबालिका सहित २३ जना घाइते भएका छन्
एजेन्सी