- TRENDING
- ENGLISH
हालको खबर
प्रहरीको गाडीले ठक्कर दिँदा कोटेश्वरमा पैदलयात्रीको मृत्यु
गाउँले न्युज, २९ साउन, काठमाण्डौ । महानगरीय ट्राफिक प्रहरी महाशाखाबाट ड्युटीमा खटिएका प्रहरीको भ्यानले कोटेश्वर चोकनजिकै ठक्कर दिँदा एक पैदलयात्रीको मृत्यु भएको छ ।
महाशाखाबाट मंगलबार राति ११ बजे निस्केको बा १ झ ७८६६ नम्बरको भ्यानले ठक्कर दिएपछी उपचारको लागि ट्रमा सेन्टर लगिएको थियो । बुधवार बिहान ९ बजे घाइतेको मृत्यु भएको अस्पातलले जनाएको हो ।
गाडी र चालकलाई बानेश्वर वृत्तले नियन्त्रणमा लिएर अनुसन्धान थालेको परिसर प्रवक्ता डिएसपी होविन्द्र बोगटीले बताए । ती व्यक्तिबाट स्पष्ट परिचय खुल्ने कुनै पनि कागजात फेला नपरेको बोगटीले बताए ।
‘आकाशे पुलमूनि कपडा र बोरा भेटिएका छन्, ती व्यक्ति त्यहीँ बसिरहेको हुनसक्ने अनुमान छ,’ बोगटीले भने ।
