गाउँले न्युज, १६ असार, काठमाण्डौ । अरनिको राजमार्ग सडकखण्ड अन्तर्गत मध्यपुर थिमि राधेराधेमा टिपरको ठक्करबाट मोटारसाइकल चालक थुलुङ दुधकोशी गाउँपालिका पञ्चनका २९ वर्षिय फ्रेम कुमार राईको मृत्यु भएको छ ।

प्रहरीका अनुसार आइतबार राति काठमाडौंबाट भक्तपुरतर्फ आउँदै गरेको बा ५ ख ५३४३ नम्बरको टिपरले सोही दिशातर्फ आउँदै गरेको प्रदेश ३ ००६ प ४९९४ नम्बरको मोटरसाइकललाई ठक्कर दिँदा मोटरसाइकल चालकको मृत्यु भएको हो ।

तीव्रगतिमा आएको टिपरले मोटरसाइकललाई ओभरटेक गर्न खोज्दा दुर्घटना भएको महानगरीय प्रहरी वृत्त थिमि प्रमुख डीएसपी शान्तिराज कोइरालाले बताए । मोटरसाइकललाई ठक्कर दिने टिपर चालक दुर्घटनापछि फरार छन् ।
टिपरको ठक्करबाट सख्त घाइते राईको उपचारको क्रममा मध्यपुर अस्पताल थिमिमा मृत्यु भएको प्रहरीले जनाएको छ ।

https://gaulenews.com/?p=46992

https://gaulenews.com/?p=46476