गाउँले न्यूज, २ असार, सोलुखुम्बु । सोलुदुधकुण्ड नगरपालिका ११ भदौरे स्थित सोलुखोला दुधकोशी ८६ मेगावाट क्षमताको निर्माणाधिन हाईडोपावरको परिसरमा सकांस्पद अवस्थामा राखिएको प्रेसरकुकर निष्कृय पारिएको छ ।
शनिबार राती स्काभेटरमा आगजनी गरि नजिकै राखिएको प्रेसरकुकर सोमबार विहान ९ बजेर १२ मिनेटमा निष्कृय पारिएको प्रहरी निरिक्षक उत्तम कार्कीले बताए । उक्त बस्तु ठुलो आवाज सहित विश्पोज गरिएको छ । तर सो बस्तु बम नै हो वा होईन भन्ने यकिन हुन अलिक समय लाग्ने प्रहरी निरिक्षक कार्कीले बताए ।
आईतबार फेला परेको शकांस्पद बस्तु प्रेसरकुकर निष्कृय गर्न उदयपुरबाट नेपाली सेनाको डिस्पोजल टोलि सोलुखुम्बु आएको हो । आईतबार उद्धयपुरबाट हिडेको डिस्पोजल टोली सोमबार बिहान घटनास्थल पुगेसङै डिस्पोज गरिएको प्रहरीले जनाएको छ ।
निर्माणाधिन हाईड्रोपावरमा प्रयोग गरिएको स्काभेटरमा शनिबार अज्ञात समुहले आगजनी गरेको थियो । अज्ञात समुहले गरेको आगजनीबाट स्काभेटरको बाहिरी भाग जलेर नष्ट भएको प्रहरीले जनाएको छ । जिल्ला प्रहरी कार्यलय सोलुखुम्बुबाट प्रहरी निरिक्षक उत्तम कार्कीको कमाण्डमा खटिएको टोलीले घटनाको विषयमा अनुसन्धान थालेको प्रहरीले जनाएको छ । घटना कसले र के कारणले घटाएको हो भन्ने बारे खुल्न सकेको छैन् ।