सोलुखुम्बुमा कैद भुक्तानका लागि प्रतिबादी आफै अदालतमा उपस्थित

गाउँले न्यूज, २६ बैशाख, सोलुखुम्बु । जिल्ला अदालत सोलुखुम्बुमा कैद भुक्तानका लागि एक प्रतिबादी आँफै उपस्थित भएका छन । माप्यदुधकोशी गाउँपलिका वडा नम्बर ६ वाकु बधुबरका शिरे बुढाथोकी मगर अदालतमा आफै उपस्थित भएका हुन ।
२०७३ सालमा कुटपिट मुद्दामा सजाए पाएका मगरले चित्त नबुझे पछि पुनराबेदन गरेको र पुनराबेदन अदालत औखलढुङगाले पनि जिल्ला अदालत सोलुखुम्बुको फैसलालाई सदर गरेपछि उनि आफै उपस्थीत भएको जिल्ला अदालत सोलुखुम्बुले जनाएको छ ।
उनलाई जिल्ला अदालत सोलुखुम्बुले २०७३ साल जेष्ठ १० गते ६ महिना कैद र २ हजार जरीवाना तोकेको थियो । त्यस पछि पुनराबेदन गएका मगरलाई पुनराबेदन अदालतको २०७५ साल फागुन ३० गते फैसलामा जिल्ला अदालतको फैसलालाई सदर गरेको थियो । अहिले प्रतिबादी मगरलाई जिल्ला काराकार चलान गरिएको छ ।
प्रतिबादी मगरले माप्य दुधकोशी गाउँपालिका ६ साविक वाकु ८ बस्ने गोपाल रेग्मि मगरलाई २०७३ सालको बैशाख महिनामा कुटपिट गरेको आरोपमा मुद्दा दायर गरिएको जिल्ला अदालत सोलुखुम्बुले जनाएको छ ।