४ फागुन, काठमाडौं । देशका पहाडी क्षेत्रहरूमा शनिबार विहानबाट सुरु भएको वर्षा सोमबारसम्म चल्ने मौसम पूर्वानुमान महाशाखाले जनाएको छ। शनिबार देशभर आंशिकदेखि सामान्य बदली भयो देशका उच्च पहाडी भेगहरूमा पानी परेको छ । हिमाली भेगमा हिमपात समेत भएको छ ।

महाशाखाका अनुसार आइतबार देशको पूर्वी तथा मध्य पहाडी भूभागमा आंशिक वदली रहने तथा बाँकी भूभागमा मौसम सामान्यतया सफा रहने देखिन्छ । त्यस्तै पूर्वी पहाडी भू-भागका एक वा दुई स्थानहरुमा हल्का वर्षाको सम्भावना रहेको छ।

सोमबार देशको पश्चिमि भू-भाग लगायत पूर्वी तथा मध्य पहाडी भू-भागमा आंशिकदेखि सामान्य वदली रहने तथा बाँकी भूभागमा मौसम सामान्यतया सफा रहने र देशको पश्चिमि भू-भाग लगायत पूर्वी तथा मध्य पहाडी भू-भागका केही स्थानहरुमा हल्का वर्षाको सम्भावनाका रहेको महाशाखाले जनाएको छ।