- TRENDING
- ENGLISH
हालको खबर
बिदा कटौतीको बिरोधमा आदिवासी जनजातिको प्रदर्शन
काठमाडौं, ४ पुस । आफ्नो चाडपर्वमा राष्ट्रिय विदा दिन माग गर्दै आदिवासी जनजाति समुदायले बुधबार माइतीघरमा प्रदर्शन गरेका छन् ।
नेपाल आदिवासी जनजाति महासंघको आह्वानमा विभिन्न आदिवासी जनजाति समुदायले प्रदर्शन गरेका हुन् । तमु ल्होसार, ग्याल्बो ल्होसार, सोनाम ल्होसार, उधौली, उभौली, माघी, माघे संक्रान्तिलगायतमा सार्वजानिक बिदा दिन माग गर्दै उनीहरुले प्रदर्शन गरेका थिए ।
आदिवासी जनजाति महासंघले आफ्नो समुदायको मुख्य चाडपर्वमा विदा नदिएको भन्दै आन्दोलन घोषणा गरेको थियो । सरकारले सार्वजनिक विदा कटौती गर्ने क्रममा यी समुदायका चाडहरूमा बिदा हटाएको थियो ।
