नेपाली काँग्रेस नवलपरासीको कार्यसमितिले पूर्णता पायो

admin

सरु शर्मा,
परासी, फागुन ५–

लामो समय देखि पुर्णता पाउन नसकेको नेपाली काँग्रेस जिल्ला कार्यसमिति नवलपरासीले पूर्णता पाएको छ ।

जिल्ला कार्य समितिको आजको बैठकले कार्यसमितिलाई पुर्णता दिएको हो । नेपाली काँग्रेसका जिल्ला सभापति बिष्णु लामिछानेले आजको बैठकमा बाँकी रहेका पदमा मनोनित गरी कार्यसमितिलाई पूर्णता दिनुभएको हो । सभापति लामिछानेले कार्यसमितिलाई पुर्णता दिनका लागि उपसभापति, सचिव र सहसचिवमा तिन जना जिल्ला सदस्यहरुलाई मनोनित गर्नु भएको जानकारी दिनु भएको छ ।

पार्टीको उपसभापतिमा अर्जुन कुमार पोख्रेल, सचिवमा बालकृष्ण घिमिरे र सहसचिवमा शिवशंकर रायलाई मनोनित गरिएको छ । लामो समयदेखि पार्टीले बिभिन्न कारणले गर्दा कार्यसमितिलाई पूर्णता दिन सकेको थिएन तर पार्टीको आज बसेको बैठकले सर्वसम्मत रुपमा कार्यसमितिलाई पूर्णता दिएको हो ।