चितवन, माघ २६ –

प्रधानमन्त्री एवं माओवादी केन्द्रका अध्यक्ष प्रचण्डको गृह जिल्ला चितवनमा नेकपा एमाले वडा कमिटीका सबै पदाधिकारीले एकसाथ राजीनामा दिएका छन् । र, बुधबारै जिल्ला आएका प्रचण्डको हातबाट टिका लगाएर माओवादी केन्द्रमा प्रवेश गरेका छन् ।

पार्टीबाट राजीनामा दिनेमा मंगलपुर क्षेत्रका प्रभावशाली कार्यकर्ता हिराबहादुर थापामगरसहित भरतपुर नगरपालिकाको वडा नं. १८ मंगलपुरको एमाले वडा कमिटीका सबै पदाधिकारी रहेका छन् ।

उनीहरुले एमालेमाथि जनआन्दोलनका उपलब्धिलाई खतरामा पार्न खोजेको आरोप लगाएका छन् ।