निर्वाचन हुनेमा शंका नगरौं – प्रधानमन्त्रीको आग्रह

काठमाडौं,माघ २५ –

प्रधानमन्त्री पुष्पकमल दाहाल ‘प्रचण्ड’ले निर्वाचन हुने कुरामा शंका नगर्न आग्रह गरेका छन् ।

विद्युतीय भोटिङ मेसिन प्रयोग गर्नेबारे निर्वाचन आयोगमा मंगलबार आयोजित कार्यक्रममा बोल्दै प्रधानमन्त्रीले चुनावको तयारी शुरु भइसकेको बताए ।

मन्त्रिपरिषदले समेत निर्वाचन आयोगलाई तयारीका लागि आग्रह गरिसकेको अवस्थामा निर्वाचन हुने कुरामा शंका नगर्न प्रचण्डले आग्रह गरे । उनले भने( असन्तुष्ट दलहरुलाई पनि समेटेर निर्वाचन गराउन सरकार लागिरहेको छ ।

प्रधानमन्त्रीले विद्युतीय मतदान यन्त्रको प्रयोगबाटै निर्वाचन गराउनुपर्ने बताए । उनले नेपाली जनताको हातहातमा मोबाइल पुगिसकेको भन्दै विद्युतीय मेसिनबाट मतदान गर्न जनतासक्षम हुने अपेक्षा व्यक्त गरे ।

सो अवसरमा निर्वाचन आयोगले नयाँ भोटिङ मेसिनको प्रयोगबारे प्रदर्शन गरेको थियो । आयोगका प्रमुख आयुक्त अयोधी प्रसाद यादवले पेपरलेस निर्वाचनको पक्षमा आयोग रहेको बताए । – अनलाइन खबरबाट