एनआरएन जापानका प्रतिनिधिहरुलाई स्वागत

चितवन, माघ २४–
चितवन उद्योग संघले गैरआवासिय नेपाली संघ (एनआरएन) जापानका प्रतिनिधिहरुलाई स्वागत तथा सम्मान गरेको छ ।

संघको परिसरमा आज एक कार्यक्रमकाबीच गैर आवसीय नेपाली संघ, अन्तरािष्ट्रय समवन्य परिषद्का सदस्य एवंम् चितवन समाज जापानका सल्लाहाकार, तुलसीराम खरेल, गैर आवसीय नेपाली संघ, जापानका उपाध्यक्ष एंवम् चितवन समाज जापानका सल्लाहाकार, टंक गैह्रे र गैह्रे सेवा समाजका अध्यक्ष भरत गैह्रेलाई स्वागत तथा सम्मान गरिएको हो ।

संघका अध्यक्ष अध्यक्ष भीमबहादुर पाण्डेले उहाँहरुलाई पुष्पगुच्छाले स्वागत गर्दै मायाको चिनो प्रदान गरि सम्मान गर्नुभएको थियो । स्वागत तथा सम्मान कार्यक्रममा बोल्दै गैर आवसीय नेपाली संघ, अन्तरािष्ट्रय समवन्य परिषद्का सदस्य एवंम् चितवन समाज जापानका सल्लाहाकार तुलसीराम खरेलले चितवन उद्योग संघको अगुवाई निर्माणमा हुन लागेको चितवन प्रदर्शनी केन्द्रका लागि सक्दो सहयोग गर्ने प्रतिवद्धता जनाउनुभयो । उहाँले बोलेर मात्रै केही नहुने भन्दै सहयोग गरेर मात्रै देखाउने प्रतिवद्धता जनाउनुभयो ।

संघका अध्यक्ष भीमबहादुर पाण्डेले मध्य नेपालकै गौरवको रुपमा निर्माण हुन लागेको चितवन प्रदर्शनी केन्द्रका लागि सबैले सहयोग गरे समयमै निर्माण सम्पन्न हुने बताउनुभयो । उहाँले विदेशमा बस्नु हुने नेपालीबाट पनि ठूलो हौसला र सहयोग हुने बचनवद्धता भएकोले धन्यवाद ज्ञापन गर्नुभयो । संघका द्धितिय उपाध्यक्ष राजु पौडेलले स्वागत मन्तव्य व्यक्त गर्नुभएको कार्यक्रममा संघका निवर्तमान अध्यक्ष एवंम राष्ट्रिय परिसंघका केन्द्रीय उपाध्यक्ष कृष्णप्रसाद अधिकारीले चितवन उद्योग संघ र यसले गरिरहेका कार्यहरुको बारेमा जानकारी गराउनु भएको थियो ।