- TRENDING
- ENGLISH
हालको खबर
चितनवको माडीका स्थानीयलाई दियो होमस्टे व्यवसायले हौसला
चितवन,माघ २३-
चितनवको माडीको माटो मलिलो भएपनि धेरैको युवालाई यहाँ बस्न मन लागेन । पसिना बगाउने जाँगर भएपनि बाध्यताले परदेशतिर धकेलेपछि बहुसख्यक युवा जमात अहिले बाहिर छन् । तर माडीमा भएकालाई पनि जीवन संघर्ष सोचे जस्तो छैन । राज्यको उपेक्षा र जङ्गली जनावरको आतंकले हैरानी खेपेका स्थानीयलाई होमस्टेले हौसला दिएको छ ।
लस्करै होमस्टेकालागि घर निर्माण गरिएका छन् । उस्तै उस्तै देखिने घरका संरचना बास्तबमा आगन्तुककालागि निकै आरामदायी छन् । सफासँगै सजावटमा पनि उनीहरुको ध्यान गएको देखिन्छ । उनीहरुको सफाई संस्कार निकै परिस्कृत छ । जसले त्यँहा पुग्नेलाई फेरी फर्कन लालायित बनाउँछ । उनीहरुले स्थानीय सँस्कृतिको सम्र्बद्धन र संरक्षणको नारालाई पनि बिर्सेका छैनन् ।
आगन्तुक आर्कषणको बाहना भएपनि यसले साँस्कृतिक पक्षको सबलतामा पनि भूमिका खेलेको छ ।माडीका औसत युवा विदेशीएका छन् । भएकाले यहिको माटोमा पसिना बगाएपनि दैनिकी चलाउन मुश्किल हुनु यहाँको विवशता हो । यस्कै विकल्पमा होमस्टेबाट आर्थिक जोहो गर्ने आधार देखेपछि उनीहरुको मोह बढेको बताउँछन् ।
कमाई पनि भने जस्तै छ । कृषिले दिने उत्पादन भन्दा होमस्टेको आम्दानी निकै राम्रो छ । घरखर्च धानेको होमस्टेको कमाईबाट बचत गर्न पनि सफल भएका छन् स्थानीयहरु ।
जीविकोपार्जनका अनेकन उपाय खोजेका स्थानीयलाई होमस्टे फापेको छ । विकासबाट विमुख भएपनि जीवन धकेल्नुपर्ने बाध्यता बुझेका माडीबासीलाई यसको थप व्यबस्थापनमा सरोकारवाला र राज्यले ध्यान दिए मात्र पनि आर्थिक दुर्बलताबाट बाहिर निस्कन सक्ने आशा व्यक्त गर्छन् ।
