निःशुल्क भिसा र हवाइ टिकट व्यवस्थित हुन्छः मन्त्री गुरुङ
चितवन, माघ २२–
श्रममन्त्री सूर्यमान गुरुङले निःशुल्क भिसा र हवाई टिकट कार्यान्वयन र व्यवस्थित हुन नसकेको स्वीकार्नु भएको छ ।
आज यहाँ सञ्चारकर्मीसँग कुरा गर्दै उहाँले यसलाई कार्यान्वयन गर्न नदिन गिरोह सक्रिय रहेको बताउनुभयो । कार्यान्वयन गराउन खोज्दा मन्त्रालयमै धम्की आएको पनि उहाँको भनाइ थियो ।
रोजगारीका सिलसिलामा विदेसिनेहरूसँग दुईवटा सम्झौता गरी ठग्ने गरेको पाइएको भन्दै उहाँले यसलाई नियन्त्रण गर्न अनलाइनबाट फाराम भर्ने कामको थालनी गरिएको बताउनुभयो ।
मन्त्रालयले श्रम बजारको खोजी गरिरहेको भन्दै मन्त्री गुरुङले उपयुक्त श्रम बजारको खोजी गरी सुरक्षित रोजगार दिलाउन आफू प्रतिबद्ध रहेको पनि बताउनुभयो ।
