क्यान्सरको बिरामीलाई धामीझाँक्री, उपचार नहुँदा मृत्यु

admin

रुकुम, माघ १८ –

क्यान्सर रोगका कारण रुकुममा एक जनाको मृत्यु भएको छ ।

जिल्लाको भलाक्चा–४ कि ४० वर्षीया धनमाया बुढाको क्यान्सरका कारण मृत्यु भएको आफन्तले जानकारी दिएका छन् । दुई महिनादेखि पेटको क्यान्सरबाट पीडित भएकी बुढाको आइतबार साँझ मृत्यु भएको हो ।

आर्थिक अभाव हुँदा पेटमा क्यान्सर भएपनि उहाँको उपचार हुन सकेको थिएन । उपचार गराउने पैसा नभएपछि आफन्तले गाउँमा धामीझाँक्री लगाएको मृतकका श्रीमान् देवीराम बुढाले जानकारी दिनुभयो ।

उपचारको लागि सहयोग माग्दै जिल्लाका सबै ठाउँमा पुगेपनि कसैले सहयोग नगर्दा श्रीमतीको मृत्यु भएको देवीरामले गुनासो गर्नुभयो ।

देविराम पनि अहिले प्यारालाइसिसबाट पीडित हुनुहुन्छ । आमाको मृत्यु र बुबा प्यारालाइसिसबाट पीडित भएपछि उहाँका चार छोराछोरी बिचल्लीमा परेका छन् । रासस