शहिद स्मारक र स्काईराईडर सेमीफाईनलमा

चितवन, माघ १३–

शहिद स्मारक कलेज शारदानगर र स्काईराईडर उच्च मा.वि रत्ननगर एक्सपर्ट कालिका ईन्टर कलेज क्वीजको सेमीफाईनलमा प्रवेश गरेका छन् ।
आज भएको प्रतियोगीतामा लक्ष्मी उच्च मावि र शिक्षा विकास उच्च माविलाई उछिन्दै ५० अंकसहित शारदानगर सेमीफाईनमा प्रबेश गरेको हो । यसैगरी आजकै दोस्रो क्वीजमा मोहना उच्च मा.वि रत्ननगर र भण्डारा उच्च मा.वि भण्डारालाई उछिन्दै स्काईराईडर सेमीफाईलनमा प्रवेश गरेको हो । निकै रोमान्चक क्वीजमा स्काईराईडरले अन्तिम र्यापीड फाईर राण्डमा अग्रता लिएपछि सेमीफाईनल राण्डमा प्रबेश गरेको हो । स्काईराईडरको ८०, मोहनाको ६५ र भण्डाराको ५५ अंकसहित क्वाटरफाईनलको चौथो क्वीज सम्पन्न भएको हो ।
यसअघि हिजो भएको क्वीजबाट गुरुकुल कलेज भरतपुर र ईन्सटीच्युट अफ एर्गीकल्चर एण्ड एनीमल साईन्स, रामपुर कलेज सेमीफाईलनमा प्रवेश गरेको छ ।
कालिका एफ.एम.प्रा.लिका स्टेशन म्यानेजर तथा टिभी कालिकाका निर्देशक रिना गुरुङ्को अध्यक्षतामा भएको प्रतियोगितमा सामाजिक अभियन्ता महेश्वरी थापाको प्रमुख आतिथ्यता रहेको थियो । त्यस्तै कार्यक्रममा एकसर्पट एजुकेशन एण्ड भिजा सर्भिसेज चितवनका ब्रान्च म्यानेजर डिल्लीराम अधिकारी, लक्ष्मी उच्च मा.वि जगतपुरका शिक्षक खिमानन्द सापकोटा, स्काईराईडर उच्चमाविका शिक्षक शिव पुरी र मोहना उच्च माविका शिक्षक दधिराम पौडेललगायतको सहभागीता रहेको थियो ।