चितवन, माघ १२–

चितवन मेडिकल कलेजका प्रवन्ध निर्देशक डा.हरिषचन्द्र न्यौपानेको गाडी तोडफोडको जिम्मेवारी विप्लव माओवादी निकट अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी)ले लिएको छ ।
मेडिकल विभाग केन्द्रीय समितिको नाममा जारी विज्ञप्तीमा तीन कारण जनाउँदै चितवन मेडिकल कलेजलाई कारवाही गरिएको उल्लेख छ । जसमा संगठनले गरेको संघर्ष प्रति लापरवाही गरेको, संगठनसंग भएको सहमती कार्यान्वयन नभएको र मजदुरमाथि चरम दमन भएको उल्लेख छ ।
मंगलबार अपरान्ह मेडिकल कलेज परिसरमा प्रवन्ध निर्देशक डा.हरिष सवार बा १४ च ७५६४ नम्बरको गाडीमा क्रिकेटको स्ट्याम्पले हानेर तोडफोड गरिएको थियो । प्रहरीले तोडफोड गर्नेको खोजी कार्य जारी राखेपनि कसैलाई पक्राउ गर्न सकेको छैन् ।

शैक्षिक सुधारको माग राख्दै अखिल क्रान्तिकारीले मंसिर २९ गते देशभर मेडिकल कलेजमा गरेको तालाबन्दीमा चितवन मेडिकल कलेजमा ताला फोडेको प्रति गम्भिर ध्यानाकर्षण समेत जनाएको छ ।