चितवन, माघ ११–

पछिल्लो समय वैदेशिक शिक्षा हासिल गर्नका लागि नेपाली युवाहरु विदेशीने क्रम निकै बढेको छ ।

विद्यार्थीको संख्या जति बढ्दै गयो त्यति नै सही परामर्श हुन आवश्यक देखिन्छ । यही उद्देश्यका साथ ग्लोबल रिच चितवनले मंगलबार नारायणगढमा विदेशी कलेजहरुको आधिकारिक प्रनितिधि ल्याएरै विद्यार्थीहरुसंग प्रत्यक्ष भेट गराई दियो । जसले गर्दा विद्यार्थीहरुले आफैले प्रत्यक्ष कलेजका प्रतिनिधिहरुसंग यथार्थ कुरा जानकारी लिन पाए । ग्लोबल रिचले आयोजना गरेको अष्ट्रेलियन एजुकेशन फेयरमा प्रत्यक्ष जानकारी लिन पूर्वी चितवन खैरहनीबाट आएका विद्यार्थी सुरज सापकोटाले यस फेयरबाट धेरै जानकारी पाएको बताए । उनले भने–“सबै कलेज र विश्वविद्यालयका प्रतिनिधिहरुसंग जानकारी लिन पाए, एकै ठाउँमा सबै अवसर पाउनु खुशी लाग्यो ।” उनी जस्तै धेरै विद्यार्थीहरु खुशी थिए । होटेल रेड कार्पेडमा भरिभराउ विद्यार्थीहरुले आफ्नो जिज्ञाशा र जानकारी लिन प्राय सबै कलेज र विश्वविद्यालयका प्रतिनिधिहरुसंग भेट गरेका थिए ।

ग्लोबल रिच नारायणगढका शाखा प्रवन्धक सुरेश पौडेलले यस फेयर विद्यार्थीहरुलाई सही जानकारी दिनका लागि धेरै सहयोग पुर्याएको बताए । उनले विगतका वर्षहरुमा पनि यस्तो कार्यक्रम गरिएपनि यसपटक एकै चोटी १४ वटा कलेज र विश्वविद्यालयका प्रतिनिधिहरुलाई ल्याउन पाउनु ठूलो अवसर भएको बताए । उनले आज सो फेयरमा ६ सय भन्दा बढि विद्यार्थीहरुले अवलोकन गरेको जानकारी दिए ।
सो फेयरमा छात्रवृत्ति, स्पट एप्लिेशन, पोष्ट स्टडी वर्कलगायत बारे जानकारी गराइएको थियो ।

फेयरमा एसियु, युनिसा, युनिभर्सिटि अफ ओलोङगोङ, सिक्वी युनिभर्सिटि, कर्टिन युनिभर्सिटि, युटिएस इनसर्च, वेस्र्टन सिड्नी युनिभर्सिटि, सिएसयु, युनिभर्सिटि अफ न्यू इङल्याण्ड, नभिटास ग्रुप, कप्लान बिसनेस स्कूल, टोरेन्स युनिभर्सिटि, ल ट्रोव युनिभर्सिटिलगायतको सहभागिता रहेको थियो ।

फेयरमा सहभागि हुन निःशुल्क व्यवस्था गरिएको थियो । ग्लोबल रिचले चितवनका विद्यार्थीहरुका लागि पटक–पटक यस्तो प्रकारको एजुकेशन फेयर गर्दै आईरहेको छ ।