चितवन, माघ ८–

रत्ननगरमा आयोजना गरिएको चार दिने दुधको परिकार बनाउने तालिम शनिबार सकिएको छ ।
राष्ट्रिय दुग्ध विकास बोर्डको प्राविधिक तथा रत्ननगर नगरपालिकाको आर्थिक सहयोगमा व्यवसायिक पशुपालक कृषक समाज नगर समन्वय समिति रत्ननगरले तालिमको आयोजना गरेको हो । ३० जना गाईपालन किसान सहभागि सो तालिममा मसला पनिर, पनिर, रसबरी, लालमोहन, गुतपाक र पुस्टकारी बनाउन सिकाईएको थियो ।
राष्ट्रिय दुग्ध विकास बोर्डका अनुसन्धान सहायक डा.रविन्द्र विलास मरहठ्ठाले तालिममा सहजीकरण गरेका थिए । समापन कार्यक्रमका प्रमुख अतिथि राष्ट्रिय दुग्ध विकास बोर्डका उपनिर्देशक बाबुकाजी पन्तले सहभागीहरुलाई प्रमाणपत्र वितरण गरेका थिए । कार्यक्रम समितिका अध्यक्ष किशोर बगाललेको अध्यक्षतामा भएको थियो ।