महिलालाई जबरजस्ती करणी गर्ने युवा काठमाडौंवाट पक्राउ

admin

गोरखा,माघ ४-

जबरजस्ती करणी गरी फरार रहेको आरोपमा लागेका एक युवकलाई प्रहरीले पक्राउ गरेको छ । गोरखा जिल्लाको बोर्लाङ गा.वि.स वडा नम्बर ६ का १९ बाषिर्या रवी पौडेललाई प्रहरीले पक्राउ गरेको जिल्ला प्रहरी कार्यालय गोरखाका प्रहरी नायव उपरिक्षक बिरेन्द्र थापाले जानकारी दिनुभयो । आफुलाई जबरजस्ती करणी गरेको भन्दै बोर्लाङ गा.वि.सकी पिडित महिलाले पौडल माथी मुद्दा दर्ता गरेकी थिइन ।

जबरजस्ती करणी मुद्दा दर्ता भएपछि फरार रहेका पौडेललाई जिल्ला प्रहरी कार्यालय गोरखाबाट खटिएका प्रहरी टोलीले आईतबार काठमाडौको नयाँबसपार्कबाट पक्राउ गरेको हो । पक्राउ परेका पौडललाई सोमबार जिल्ला अदालत गोरखामा पेश गरिएकोमा अदालतले पुर्पक्षको लागी थुनामा पठाउन आदेश दिएको थियो । अदालतको आदेश अनुसार पौडेललाई सोमबार नै पुर्पक्षका लागि थुनामा पठाइएको प्रहरीले जनाएको छ ।