प्रचण्डलाई सघाउन कमल थापालाई ‘रअ’ को दबाब

काठमाडौं,माघ १-

केपी ओली नेतृत्वको पूर्ववर्ती सरकारमा उपप्रधान सहित परराष्ट्रमन्त्री रहेका कमल थापालाई भारतीय गुप्तचर संस्थाले वारम्वार दबाब दिएको थाहा हुन आएको छ ।सरकारले हालै मात्र टेवल गरेको संविधान संशोधनको पक्षमा प्रचण्ड सरकारलाई साथ दिन भारतीय गुप्तचर संस्थाका नेपाल प्रमुखले राप्रपा अध्यक्षलाई दबाब दिएका हुन ।

पछिल्लो एक सातायता रअका नेपाल प्रमुख विवेक जाहेरीले राप्रपा अध्यक्ष कमल थापा देखि विजय गच्छदारसम्मलाई भेटेर संविधान संशोधनको पक्षमा प्रचण्ड नेतृत्वको सरकारलाई सघाउन दबाब दिइरहेको तथ्य प्रकाशमा आएको छ ।राप्रपा निकट स्रोतका अनुसार पछिल्लो दुई सातामा जाहेरीले राप्रपाका केही नेताहरुबीच बाक्लै भेटवार्ता चलिरहेको छ । यस्तै भेटवार्तामा फोरम लोकतान्त्रिकका अध्यक्ष विजयकुमार गच्छदारलाई पनि सहभागि गराइएको छ ।

प्रधानमन्त्री दाहाल अहिले २ मन्त्रालय मात्रै लिएर सरकारमा रहेको राप्रपालाई संविधान संशोधनमा सघाउने उद्धेश्य अनुरुप थप तीन मन्त्रालय सहित उपप्रधानमन्त्री दिएर सरकार विस्तार गर्ने तयारीमा छन् । यसका साथै संसदमा १४ सिट रहेको मधेसी जनअधिकार फोरम लोकतान्त्रिकलाई पनि उपप्रधानमन्त्री सहित दुई मन्त्रालय दिएर सरकारमा ल्याउने गृहकार्य दाहालले अघि बढाएका हुन् ।

दाहालले सरकार विस्तारको गृहकार्य अघि बढाएको खुलासा गरेको एक दिन अघि मंगलवार फोरम लोकतान्त्रिकका अध्यक्ष विजयकुमार गच्छदार भारतीय दूतावासमा आयोजित ‘हिन्दी दिवस’को समारोहमा सहभागि भएका थिए ।

यसकाठमाण्डौवाट साभार