चितवन महोत्सवमा बीच फुटबल आजदेखि

admin

चितवन, पुस २८–

चितवन महोत्सव स्थलमा आजदेखि पहिलो पटक फाइभ ए साइड बीच फुटबल प्रतियोगिताको सुरु हुँदैछ ।
नारायणी नदी किनारमा हुने फुटबलमा जिल्लाका १० वटा टिमको सहभागिता रहने महोत्सवको खेलकुद समितिका संयोजक प्रशान्त कुमार पियाले जानकारी दिनुभयो । सो फुटबल प्रतियोगिताको फाइलन खेल पुस २९ गते शुक्रबार हुँदैछ । प्रत्येक समूहमा पाँच पाँच जना रहेर खेलिने फुटबलमा नारायणगढ फुटबल क्लब, बसन्त युनाइटेड क्लबसहितका १० वटा समूहहरु प्रतिष्पर्धा गर्ने संयोजक पियाले जानकारी दिनुभयो ।
प्रतियोगिताको विजेताले २० हजार रुपैयाँ नगद सहित ट्रफी, मेडल र प्रमाणपत्र पाउनेछन् भने उपविजेताले १० हजार रुपैयाँ सहित ट्रफी, मेडल र प्रमाणपत्रमा चित्त बुझाउनुपर्ने पियाले जानकारी दिए । यो प्रतियोगिता चितवनमा पहिलो पटक हो भने चितवन महोत्सवमा पहिलो पटक आयोजना गरिएको हो ।