नवलपरासीमा १८ तोला बराबरको सुन चोरी

नवलपरासी,पुस २६-

नवलपरासीको कावासोती १६ डण्डा स्थित मध्यविन्दु सुनचादी पसलबाट आईतवार राती करीब १८ तोला बराबरको सुनको गरगहना चोरी भएको छ । चोरले पसलको सटरको ताला फोडेर चोरी गरेको पसल धनी शेर वहादुर सुनार घिमिलेलाई उदृत गर्दै ईलाका प्रहरी कार्यालय नवलपुरका प्रमुख राजेश थापाले जानकारी दिए ।

सुनको औठी , झुम्का , सिख्री , मंगलसुत्र लगायतका गरगहना चोरी भएको हो । पसल धनी शेरवहादुर सोमवार विहान ८ बजेतिर पसल खोल्न आउदा सटरको ताल फोडेको अवस्थामा देखे र भित्र हेर्दा सुनका गरगहना चोरी भएका थाहा पाएपछि प्रहरीलाई खबर गरेका थिए ।
प्रहरीले अनुषन्धान शुरु गरेको र चोरी गरेको आशंकामा २ जनालाई नियन्त्रणमा समेत लिएको प्रहरी प्रमुख थापाले जानकारी दिए । प्रहरीले नियन्त्रणमा लिएकाको नाम भने खुलाएको छैन ।

यसैगरी कावासोती थानाचोक स्थित एभरेष्ट एलेक्ट्रोनिक्समा पनि शुक्रवारराती चोरी भएको छ । एलसिडी टिभी लगायत अन्य एलेक्ट्रोनिक्स सामान चोरी भएको पसलका सन्चालक यम थापाले बताए । चोरिको जानकारी बिहान ८ बजे मात्र भएको हो । प्रहरीले घटनाको वारे अनुषन्धान गरिरहेको जनाएको छ ।