चितवनमा छुट्टाछुट्टै दुर्घटनामा चार घाईते

admin

चितवन, पुस १३–

चितवनमा आज (बुधबार) भएका छुट्टा–छुट्टै सवारी दुर्घटनामा परि चार जना घाईते भएको छ ।
जिल्लाको दारेचोक चुम्लिङटार स्थित काठमाण्डौबाट भैरहवा जादै गरेको लु १ ख ९३५ नम्बरको ट्रक आफै अनियन्त्रत भई पल्टदा ट्रकमा सवार ३ जना घाईते भएका छन् । उनीहरुको चितवन मेडिकल कलेज भरतपुरमा उपचार भईरहेको छ । घाईते हुनेहरुमा
ट्रक चालक रुपन्देही सुनवल– ४ बस्ने वर्ष २७ का सुनिल गुरुङ, सोही जिल्लाको फर्साटिकर–१ बस्ने वर्ष १८ का अश्रय चौधरी सोही स्थानका वर्ष १६ का राजकुमार चौधरी रहेको जिल्ला प्रहरी कार्यालय चितवनले जनाएको छ ।

यस्तै आजै जिल्लाको राप्ती नगरपालिका– ४ गडौली स्थित पूर्व पश्चिम लोक मार्गमा कारको ठक्करबाट एक बालिका घाईते भएकी छिन् ।

पूर्वबाट पश्चिम आउदै गरेको बा १५ च ८८८० नम्बरको कारको ठक्करबाट पैदल यात्रि अन्दाजी १२ वर्षीया बालिका पबित्रा माया प्रजा घाईते भएकी छिन् । उनको चितवन मेडिकल कलेजमा उपचार भईरहेको छ । प्रहरीले कार र चालकलाई नियन्त्रणमा लिएको छ ।