नारायणीमा क्षमता अभिवृद्धि तालिम

चितवन, पुस १३–

महिला सघन विकाश केन्द्र खैरहनी–८ पर्साले नारायणी नगरपालिकामा सामाजिक परिचालक, वडा नागरिक मञ्चका संयोजक, नागरिक सचेतना केन्द्रका संयोजक तथा प्रतिनिधीहरुलाई एक दिने क्षमता अभिवृद्धि तालिम दिएको छ ।
स्थानीय स्तरमा नागरिकले पाउने अधिकार र दायित्वको विषयका बारेमा सहभागीहरुलाई तालिम दिईएको थियो । नागरिकले आफूले पालना गर्नुुपर्ने जिम्मेवारीको सवाल, असल नागरिकको कर्तव्य वा जिम्मेवारी सम्बन्धि कार्यक्रमहरुको जनचेतना जगाउनुपर्ने व्यवस्था सरकारले गर्दै आएको छ ।
तालिममा वडामा रहेका सामाजिक परिचालक, वडा नागरिक मञ्चका संयोजक, नागरिक सचेतना केन्द्रका संयोजक तथा प्रतिनिधिहरु, पत्रकार लगाएत गरी ४० जनाको उपस्थिती रहेको थियो । तालिममा सहभागी वडा नागरिक मञ्चका संयोजक, सामाजिक परिचालक तथा नागरीक सचेतना केन्द्रका संयोजकहरुले आफूहरु अहिलेसम्म थुप्रै हक अधिकारबाट बञ्चित हुदै आएको र यस तालिमले अझ नयाँ पाठ सिकाउन मद्धत गरेको बताएका थिए । नगरपालिकाका कार्यकारी अधिकृत रमेश सुवेदीको अध्यक्षतामा भएको कार्यक्रम महिला सघन केन्द्रिकी कार्यक्रम संयोजक चन्द्रकला चापागाईले कार्यक्रमको बारेमा सहजीकरण गरेकी थिईन् ।