इटहरी,पुस १३ –

सातौं राष्ट्रिय खेलकुद प्रतियोगिता अन्तर्गत सशस्त्र प्रहरी पुरुष फुटबलको फाइनलमा प्रवेश गरेको छ। सुनसरी धरानको एन्फा टेक्निकल सेन्टरमा भएको पहिलो सेमिफाइनल खेलमा एपीएफले पुलिसलाई २-० ले हराएको हो। निर्धारित ९० मिनेटमा गोल हुन नसकेपछि थपिएको समयमा एपीएफले दुई गोल हानेर विजयी भएको हो। एपीएफका लागि युवराज खड्काले १०० औं मिनेटमा र नवीन लामा खेल सकिन १ मिनेट बाँकी हुँदा गोल हानेका हुन्। एपीएफले उपाधिका लागि बुधबार नै हुने आर्मी र मध्यमाञ्चलबीचको खेलको विजेतासँग पुस १५ गते खेल्नेछ।