चितवन, पुस १२–

चलचित्र ‘लेक साइड’को शीर्ष गीत सार्वजनिक गरिएको छ । राजु अधिकारीको निर्देशनमा तयार भएको सांगीतिक प्रेम कथामा आधारित फिल्म ‘लेक साइड’को शीर्ष गीतमा सुगम पोखरेलको स्वर सुन्न सकिन्छ । दिनेश सुनारको शब्द रहेको यस गीतमा चन्द्र ज्योती ढुंगानाको संगीत रहेको छ।

चलचित्रका मुख्य कलाकार नीता ढुंगाना र जीवन लुइटेललाई फ़िचरिंग गरिएको यस गीतमा पोखराको ‘लेक साइड’ आसापासका दृश्यलाई समेटिएको छ । पर्यटकीय नगरी पोखरको लेकसाइडमा एउटा युवकले संगीत क्षेत्रमा हात हालेपछि भोग्नुपरेको विविध पीडालाई निकै नै मार्मिक तवरले कथावस्तु चलचित्रमा प्रस्तुत गरिएको बताइएको छ ।

छिट्टै प्रदर्शन मिति तय गरिने चलचित्र ‘लेक साइड’लाई एन्जल ढुंगानाले निर्माण गरेका हुन । इंदिरा तिवारी ढुंगाना कार्यकारी निर्माता रहेको ‘लेक साइड’लाई पवन गौतमले छायांकन, तारा थापा किम्लेको संपादन गरेका हुन ।
तेजेन्द्र कँडेलको र बेनी ढुंगानाको संयोजनमा यो चलचित्र आगामी नयाँ वर्षको अवसर पारेर बेल्जियमबाट रेड कार्पेड सहित भव्य प्रिमियर गर्ने निर्माण पक्षले जानकारी दिएको छ । चन्द्र ज्योती ढुंगाानाकै संगीतमा राजेश पायल राई र अञ्जु पन्तको स्वर रहेको यस चलचित्रका गीत–संगीत पनि निकै नै मिठो बनेको निर्देशक राजु अधिकारीले दावी गर्नुभयो ।चलचित्र दीपक ढाकल र एन्जल ढुंगानाको पनि मुख्य भूमिका रहेको छ। आशुतोष फिल्म्स प्रोडक्शन र चन्द्रज्योती फिल्म्स को प्रस्तुतिमा चलचित्र निर्माण गरिएको हो ।

https://www.youtube.com/watch?v=pfvH08ptPdg